Zv/kryeministri i parë i Republikës së Maqedonisë së Veriut, Izeti Mexhiti, ka shpërndarë lajmin e mirë nga terreni: ndërtimi i trotuarit dhe kanalit atmosferik në rrugën 10 në Haraçinë po ecën me hapa të shpejtë.
“Po ndërtojmë për të ardhmen! Investojmë në infrastrukturë moderne për qytetarët tanë, me trotuare të sigurta dhe sistem të avancuar të kanalit atmosferik,” theksoi Mexhiti në një postim në Facebook.
Ky projekt i rëndësishëm është dëshmi e qartë e përkushtimit të qeverisë për ta kthyer Haraçinën në një komunë me standarde evropiane. Banorët së shpejti do të përfitojnë nga rrugë më të sigurta dhe zgjidhje moderne për menaxhimin e ujërave, duke përmirësuar ndjeshëm cilësinë e jetesës.
Punimet vazhdojnë me intensitet, ndërsa premtohet përfundimi i suksesshëm dhe brenda afateve të përcaktuara!
