Shtatë fshatra në gadishullin e Galipolit të Turqisë, që përshkon Ngushticën e Dardaneleve, u evakuuan ndërsa zjarrfikësit luftuan me një zjarr të egër të shkaktuar nga erërat e forta.
Zjarri që nisi të shtunën në provincën veriperëndimore të Çanakalasë, u përhap me shpejtësi në kodrat pranë qytetit Gelibolu, në brigjet e ngushticës së ngarkuar të transportit detar.
Provinca e njohur për turistët që vizitojnë rrënojat e lashta të Trojës dhe fushëbetejën e Galipolit ku mijëra ushtarë vdiqën në Luftën e Parë Botërore ka vuajtur nga një “thatësirë jashtëzakonisht e rëndë” gjatë vitit të kaluar. 12 aeroplanë dhe 18 helikopterë po luftojnë me flakët së bashku me 343 automjete në terren në një operacion që përfshint 1,300 persona.
Më shumë se 2,000 njerëz ikën nga një zjarr tjetër në anën jugore të ngushticës, dhe javën e kaluar një zjarr i madh detyroi të pezullonte transportin detar përmes Ngushticës së Dardaneleve, e cila lidh Mesdheun me Detin e Marmarasë dhe Detin e Zi.
Sipas faqes së internetit të Sistemit Evropian të Informacionit për Zjarret në Pyje (EFFIS), këtë vit në Turqi ka pasur 192 zjarre, të cilat kanë shkatërruar më shumë se 110,373 hektarë tokë.
Ekspertët thonë se ndryshimet klimatike të shkaktuara nga njeriu po shkaktojnë zjarre më të shpeshta dhe më intensive dhe fatkeqësi të tjera natyrore, dhe e kanë paralajmëruar Turqinë të marrë masa për të trajtuar problemin.
