Opozita, zhvillimet brenda Qeverisë i cilëson si jostabile, duke e bërë ekzekutivin të mos funksionojë mirë. Ky ngërç, sipas tyre, imponon zgjedhjet e parakohshme parlamentare. BDI thotë se zgjedhjet e parakohshme janë të domosdoshme dhe jo opsion për dalje nga situata aktuale politike.
“Zgjedhjet e parakohshme janë domosdoshmëri, jo opsion. Janë rruga e vetme për t’i dhënë fund këtij ngërçi të stërzgjatur politik, që po e degradon çështjen shqiptare në vend! LEN-i nuk mund të vazhdojë të heshtë përballë kësaj katrahure; nëse nuk e bën për përgjegjësi politike, le ta bëjë për vetëshpëtim: është e vetmja mënyrë për ta ndalur poshtërimin e mëtejmë të shqiptarëve!”, ka shkruar sekretari i përgjithshëm i BDI-së, Faton Ahmeti.
