Ylli kosovar i futbollit, Edon Zhegrova, pritet të bëjë një hap përpara në karrierën e tij të bujshme, pas zërave për një largim nga Lille.
Sipas raportimeve nga mediat prestigjioze evropiane si dhe eksperti i transferimeve, Fabrizio Romano, klubi i Marsielle ka hapur bisedimet me kundërshtarët e tyre francez për trasnferimin e sulmuesit kosovar.
Klubi francez, i kualifikuar për Ligën e Kampionëve dhe në një treg transferimesh shumë aktiv, dëshiron të forcojë krahun e djathtë të sulmit me afrimin e lojtarit nga Kosova.
Zhegrova shihet si një alternativë ose konkurrencë për Mason Greenwood, i cili aktualisht mban pozicionin në atë sektor. Lojtari “Dardan” është entuziast për një kalim në OM dhe e sheh këtë hap si rritje në karrierë.
Megjithatë, konkurrenca mbetet e fortë, pasi Al-Nassr gjithashtu ka hyrë në garë me një ofertë të konsiderueshme ekonomike.
Vetë skuadra e Lille ka pranuar se është e gatshme ta shesë futbollistin, pasi nuk dëshiron ta humbasë lojtarin pa përfitime financiare.
Me Lillen, Zhegrova ka zhvilluar 107 ndeshje, në të cilat ka shënuar 26 gola dhe ka dhuruar 18 asistime.
Futbollisti ia ka bërë të qartë drejtuesve të klubit se dëshiron largimin këtë verë, teksa bisedimet me skuadra të ndryshme kanë nisur.
