Ambasadorja amerikane në Maqedoninë e Veriut, Angela Ageler, tha se është jetësore që çdo qytetar i ShBA-së të dalë dhe të votojë. Ageler tha se shpreson për tranzicion paqësor të pushtetit pas zgjedhjeve në ShBA.
“Mesazhi im si ambasadore e ShBA-së është konzistent, njëlloj si me zgjedhjet tuaja këtu, absolutisht është me interes vital që çdo qytetar të dalë dhe të votojë. Votimi në demokraci është përgjegjësi e shenjtë dhe një privilegj i madh. Unë kam votuar. Shpresoj për tranzicion paqësor dhe fer të pushtetit. Këtë e presim. Jam e interesuar si të gjithë ju, për të parë se kush do të fitojë. Do ta shohim këtë të gjithë së bashku.”, – deklaroi ambasadorja e ShBA-së në RMV, Angela Ageler.
