Zeqirija Ibraimi: Ka ardhur koha që të çlirohet edhe Bogovina

Njëri nga liderët e VLEN-it, Zeqirija Ibraimi në hapjen e Shtabit zgjedhor sonte në Bogovinë, tha se këto janë zgjedhje lokale dhe se angazhimi ynë siç tha, “është të flasim mu për tema lokale.
“Megjithëse po e përdor shpesh punën e aluzioneve filologjike, por emri Feti ka kuptimin çlirim dhe më duket se ka ardhur koha që të çlirohet edhe Bogovina”, tha në fjalën e tij Ibraimi.
Ai shtoi se gjatë këtyre 15 muajve në pushtetin qendror, VLEN e ka dhënë provimin, sepse siç tha, “kemi qenë të angazhuar fuqimisht për zhvillimin e komunave tona”.
“Janë ndarë mbi 80 milionë e euro vetëm për zhvillimin e komunave shqiptare dhe premtimi është që deri në vitin 2028 ato të bëhen mbi 250 milionë euro”, ka thënë Ibraimi.