Kryetari i Lëvizjes Populli, Skender Rexhepi – Zejd, ka reaguar lidhur me zhvillimet e fundit në vend duke e akuzuar VLEN-in për vazalitet.
Shkrimi i plotë i Rexhepit:
VASALITETI KA EMËR – VLEN. Në Kuvendin e RMV-së, sapo kaloi Ligji për Arsim Fillor, në të cilin është përcaktuar që të gjithë drejtorët e shkollave fillore t’i nënshtrohet testit për njohjen e gjuhës maqedonase.
Fatkeqësisht, deputetët e VLEN-it, refuzuan thirrjen tonë që të mos votohet ky ligj i cili është pjesë e agjendës nacionaliste të VMRO-së për maqedonizimin edhe të shkollave fillore shqipe.
Kështuqë, TË GJITHË deputetët e VLEN-it unanimisht votuan që, në 367 shkolla fillore të pastra shqiptare drejtorët të jenë të detyruar të kenë certifilatë për njohjen e gjuhës maqedonase, pavarësisht faktit që të gjthë nxënësit në këto shkolla janë shqiptarë. Turp!!!
