Moderatorja e njohur Arbana Osmani do të nisë në shtator një emision të ri në kanalin e saj në YouTube, i cili do të ngjasojë me formatin e dashur për publikun “Dua të të bëj të lumtur”. Programi do të sjellë histori emocionuese dhe njerëzore.
Lajmi u bë i ditur nga producenti Elton Tozaj në një intervistë për Vip Magazine, ku ai tregoi se Arbana synon të sjellë një projekt të afërt me publikun dhe të përshtatur për platformat digjitale.
Ky është rikthimi i saj në YouTube, pasi vitin e kaluar moderatorja mbylli sezonin e parë të “Mirëmbrëma yje”, një format i cili u prit mjaft mirë nga ndjekësit e saj online.
Arbana Osmani përflitet çdo vit për rikthimin e saj në drejtimin e Big Brother, por duket se as këtë vit ajo nuk do të jetë pjesë e Top Channel, duke zgjedhur të fokusohet në projektet e saj personale.
