Luka Modric po lidhet vazhdimisht me një largim nga Real Madridi, me Manchester United që po shihet se destinacion i mundshëm i veteranit kroat.
Por, ky destinacion si duket nuk i pëlqen Modricit, pasi ai ka hedhur poshtë spekulimet që po e lidhin atë me një kalim te “Djajtë e Kuq”, raporton KosovaPress.
Modric ka insistuar se ai dëshiron të vazhdojë të ardhmen te Reali.
Duke u përgjigjur për spekulimet e fundit në një bisedë private te Reali, Modric tha: “Ajo se çfarë publikohet në gazeta është një gënjeshtër, nuk e kam atë qëllim”.
Modric ka qenë një lojtar kyç për Real Madridin që prej se u transferua nga Tottenhami, dhe ai e ka ndihmuar gjigantin spanjoll të fitojë trofe të shumtë gjatë kohës së tij me klubin.
