Dy personalitete të njohura të Tetovës, Vullnet dhe Zamira Dauti, i janë bashkuar koalicionit VLEN – Kalasë së Shpresës dhe Dinjitetit. Këtë informatë e ka nda kryetari i komunës së Tetovës Bilall Kasami, duke e cilësuar këtë bashkëngjitje si një vlerë të shtuar për vizionin dhe misionin e këtij koalicioni.
Vullnet Dauti, me një karrierë të gjatë si gazetar dhe aktualisht si zyrtar për informim publik në Qeverinë e Maqedonisë së Veriut, është i njohur për profesionalizmin dhe integritetin e tij në sferën e komunikimit dhe transparencës publike.
Ndërsa magjistrja Zamira Dauti, farmaciste kryesore dhe lektore e angazhuar në edukim, vjen me një bagazh të pasur akademik dhe profesional. Me njohje të thellë në fushën farmaceutike dhe aftësi të rralla gjuhësore, ajo përfaqëson një profil të fuqishëm të gruas moderne dhe të përkushtuar.
Përmes këtij bashkimi me VLEN-in, Vullneti dhe Zamira Dauti sjellin një frymë të re angazhimi qytetar, dijeje dhe përfaqësimi të denjë në skenën politike dhe shoqërore të Tetovës.
