Kryetari i ASH-së, Ziadin Sela në një konferencë për shtyp konfirmoi se Gjykata Themelore në Tetovë për herë të dytë ia ka dhënë vulat atij.
“Jemi informuar sot në mëngjes nga avokati se Gjykata Themelore Tetovë ka marrë vendim që kemi fituar rastin me vulat e partisë”, tha Sela.
Sela tha se është një vendim i rëndësishëm dhe i drejtë, ndërsa ASH do të vazhdojë rrugëtimin e saj ashtu siç i takon.
Sela tha se Gjykata në Tetovë ka vepruar sipas gjetjeve të Gjykatës së Apelit.
“Gjykata në Tetovë ka vepruar sipas gjetjeve të Gjykatës së Apelit. Besoj shumë shpejtë ta fitojmë edhe në nivelin e dytë”, tha Sela.
