Koalicioni VLEN shpreh mbështetjen e pakushtëzuar për kandidatin tonë për kryetar të Komunës së Dibrës, Fisnik Mela, një emër që tashmë është bërë sinonim i shpresës, ndryshimit dhe dinjitetit qytetar në Dibër.
Që nga momenti kur shpallëm kandidaturën e tij, Mela ka marrë një jehonë të jashtëzakonshme mes dibranëve, dhe kjo nuk është rastësi. Dibranët e njohin mirë integritetin, përkushtimin dhe vizionin e tij për ta nxjerrë Dibrën nga harresa dhe për ta kthyer në model të qeverisjes së drejtë dhe zhvillimit të qëndrueshëm.
VLEN fisnikëron Dibrën me Fisnik Melën. Ai nuk është thjesht një kandidat, është mishërimi i një gjenerate të re që vjen me duar të pastra, me ide të qarta dhe me kurajën për ta çuar Dibrën përpara.
Fitorja e Fisnik Melës në Dibër nuk diskutohet. Qytetarët e kanë ndarë mendjen: duan ndryshim të vërtetë, jo rikthim të së vjetrës. Dibra do të zgjedhë njeriun që përfaqëson vlerat e saj më të mira fisnikërinë, urtësinë dhe vendosmërinë.
Ne në VLEN qëndrojmë fuqishëm pranë Fisnik Melës dhe bashkë me qytetarët do ta sjellim fitoren e madhe për Dibrën, sepse Dibra meriton më shumë!
