Koalicioni më i madh shqiptarë VLEN, pjesë e pushtetit aktualisht, po udhëheq edhe me Ministrinë e Mjedisit, institucion që dikur ishte pjesë e pazareve politike sa për ta bë ndokënd ministër. E mjedisi ishte lënë në harresë, fjalë boshe çdo ditë e vepra konkrete asnjë ditë. Ne që kur kemi marrë timonin e pushtetit gjërat kanë ndryshuar. Kujdesi për mjedisin në tërësi e në veçanti cilësinë e ajrit të ndotur janë ndër prioritet tona.
Prandaj, kemi publikuar programet vjetore si në vijim: Programi për investime në mjedisin jetësor për vitin 2025, Programi për menaxhimin e ujërave për vitin 2025, Programi për mbrojtjen e natyrës për vitin 2025 dhe Programi Vjetor për financimin e menaxhimit të mbeturinave të posaçme për vitin 2025, të cilat, sipas propozimit tonë janë miratuar në seancën e 47-të të Qeverisë VLEN.
Mjetet për realizimin Programit për investime në mjedisin jetësor për vitin 2025 sigurohen nga kompensimet të cilat janë përcaktuar në nenin 162 të Ligjit për Mjedisin Jetësor dhe janë parashikuar në Buxhetin e Republikës së Maqedonisë së Veriut për vitin 2025, në një shumë totale prej 871.128.000,00 denarë.
Për programin e dytë që ka të bëjë me menaxhimin e ujërave për vitin 2025, kemi siguruar buxhet në vlerë prej 31.735.000,00 denarë.
Me programin për mbrojtjen e natyrës për vitin 2025 përcaktohen aktivitete për përmirësimin e mbrojtjes së natyrës. Mjetet nga ky program, me një shumë totale prej 77.510.000 denarë, do të sigurohen nga buxheti i RMV-së për vitin 2025 dhe nga fondet e donatorëve nga projekti aktual shumëvjeçar “Mbështetje për anëtarësimin e Maqedonisë së Veriut në BE në fushën e mjedisit – Faza 2” të Ministrisë së Mjedisit Jetësor dhe Planifikimit Hapësinor në bashkëpunim me Agjencinë Suedeze për Mjedisin, në shumën prej 30.750.000 denarë.
Programi i katër jo më pak i rëndësishëm ka të bëj me financimin e menaxhimit të mbeturinave të posaçme për vitin 2025. Përmes këtij programi përcaktohen qëllimet dhe ndahen mjete për financimin e aktiviteteve që do të kontribuojnë në arritjen e qëllimeve kombëtare për mbeturinat e posaçme për vitin 2025. Mjetet për realizimin e këtij programi, në një shumë totale prej 131 milionë denarë, janë parashikuar në Buxhetin e Republikës së Maqedonisë së Veriut për vitin 2025.
Ky është ndryshimi, ky është dallimi. Me VLEN-in në qeveri ndryshimi vërehet në çdo sferë. Mjedisi nuk është më i parëndësishëm, por është prioritet që synohet të përmirësohet kjo gjendje e rëndë si pasojë e papërgjegjësisë. E kjo nuk bëhet vetëm me fjalë apo premtime, por me veprime konkrete duke hartuar programe e duke ndarë mjete të nevojshme. Këtë po e bëjmë ne.
VLEN punon pa ndalë që mjedisi të lulëzojë, e qytetarët të frymojnë lirshëm!
