Ministrja e Jashtme gjermane, Analena Burbock, po viziton Damaskun, duke vendosur kushte për rifillimin e marrëdhënieve mea Gjermaninë, ose ndryshe Bashkimin Evropian, me udhëheqësinë e re të Sirisë, tashmë nën ombrellën turke.
“Një fillim politik, i ri midis Evropës dhe Sirisë, midis Gjermanisë dhe Sirisë, është i mundur,” tha liderja e të Gjelbërve pak përpara se të fluturonte për në Damask, duke shtuar se asaj do t’i bashkohej homologu i saj francez Jean-Noel Barot.
Burbock dhe Barot janë ministrat e parë të jashtëm të BE-së që vizitojnë Sirinë që nga përmbysja e Bashar al-Assadit rreth katër javë më parë.
Të dy zyrtarët, në emër të Përfaqësueses së Lartë të BE-së për Punët e Jashtme Kaya Kalas, synojnë të zhvillojnë bisedime me përfaqësuesit e qeverisë kalimtare, nën udhëheqjen e Abu Mohammed al-Jolani.
Burbok fluturoi për në Damask të premten në mëngjes përmes Qipros, ndërsa Barot kishte festuar Vitin e Ri me ministrin francez të mbrojtjes dhe forcat e armatosura franceze në Liban.
Analena Burbock vendosi si kusht për rifillimin e marrëdhënieve mbrojtjen e grave dhe minoriteteve.
“Një fillim i ri mund të bëhet vetëm nëse shoqëria e re siriane u jep një vend në procesin politik të gjithë sirianëve, grave dhe burrave, të çdo grupi etnik ose fetar, dhe siguron të drejta dhe mbrojtje,” theksoi ajo.
Në të njëjtën kohë, shprehu vullnetin e BE-së për të mbështetur Sirinë në një tranzicion paqësor të pushtetit dhe rindërtim, me kusht që drejtësia të rivendoset dhe të mos ketë hakmarrje ndaj grupeve të caktuara të popullsisë.
Por kjo grua e cila udhëheq diplomacinë e Berlinit shfaqi shqetësim në lidhje me rolin përcaktues turk në Siri.
“Gjermania po punon për të siguruar që procesi brenda Sirisë të mos ndërpritet nga jashtë. Të bësh këtë do të thotë të respektosh sovranitetin dhe integritetin territorial të shteteve fqinje”, tha ajo, duke përcjellë kështu frustrimin perëndimor ndaj faktit se tashmë ligjin aty e bën Turqia.
Në të njëjtën kohë, ajo argumentoi se Rusia duhet të largohet nga bazat e saj ushtarake në Siri, pasi ka qenë prej vitesh një nga vendet më të rëndësishme – aleatët e Bashar al-Asad.
Dhe ndërsa Gjermania ka pranuar gati një milion refugjatë sirianë, Analena Burbock tha se kthimi i tyre i mundshëm në Siri ka të ngjarë të jetë një problem.
Dhe si një detaj i veçantë nga vizita e saj në Damask është mosdhënia e dorës zyrtarët e rinj sirianë, bartës të etikës islame, ku gruaja mjafton të përshëndetet me dorë në zemër, pa e prekur fizikisht me të në emër të një etike të dyanshme me thelb moral. /tesheshi.com/ https://x.com/clashreport/status/1875098717558296771?ref_src=twsrc%5Etfw%7Ctwcamp%5Etweetembed%7Ctwterm%5E1875098717558296771%7Ctwgr%5E90b83eb159841356d35549295b4b4a9016a62fca%7Ctwcon%5Es1_&ref_url=https%3A%2F%2Ftesheshi.com%2Fkryediplomatja-e-berlinit-pritje-me-dore-ne-zemer-ne-damask%2F
