Një klub nga Arabia Saudite thuhet se i ka ofruar Vinicius Juniorit një kontratë pesëvjeçare me vlerë 1 miliard euro.
Sipas mediumit RMC Sport, nëse Vinicius Jr pranon, Real Madrid do të shqyrtonte shitjen e tij për një shumë transferimi rekord botëror.
Gazetari Fabrice Hawkins raportoi se nëse Vinicius vendos të largohet, Real Madridi do të ishte i hapur për ta shitur atë. Braziliani ende nuk i është përgjigjur ofertës.
Pavarësisht lëndimeve dhe fillimit të vështirë të sezonit, Real Madridi mbetet i fokusuar në të ardhmen.
Presidenti Florentino Perez dhe ekipi i tij tashmë po planifikojnë për sezonin e ardhshëm.
