Qendra për Menaxhim me Kriza (QMK) informon se janë regjistruar 1.857 thirrje në numrin e vetëm të urgjencës 112 gjatë 24 orëve të fundit ku gjysma (55,90 për qind) kanë qenë “reale”, ndërsa 44,10 për qind për nevoja të tjera jo urgjente të qytetarëve.
“Drejt policisë ka pasur 69,16 për qind të thirrjeve, në Qendrën urgjente 25,65 për qind, ndërsa drejt zjarrfikësve 1,73 për qind të thirrjeve reale në numrin 112 të QMK-së. Ndryshe, ka pasur 830 thirrje emergjente në numrin 112 në QMK. Të gjithë ato kanë qenë mjet i pranimit, përpunimit në QMK, si dhe koordinimit të drejtpërdrejtë për zgjidhjen e tyre me institucionet dhe shërbimet në Sistemin për menaxhim me kriza”, kumtoi paraditen e sotme QMK-ja.
Zjarre në qiell të hapur në 24 orët e fundit ka pasur në zona të hapura dhe janë shuar.
“Nga QMK rajonale Shkup theksohet se sot nga ora 10 deri në orën 15 është planifikuar minim në guroren ‘Govrlevë’ në Komunën e Sopishtës. Instituti për mjekësi transfuzive sot ka planifikuar dy aksione të dhurimit të gjakut: me anëtarë të shoqatës alpinistike ‘Shari’ në Gostivar dhe me qytetarë në Tetovë”, thuhet në komunikatën e QMK-së.
QMK informon edhe për parashikimin e DPHM-së për ditët në vazhdim, sipas të cilit vijon një valë e ftohtë me reshje të borës.
“Konform kushteve të motit, me përgatitjet adekuate sipas destinacionit nëse planifikohen udhëtime është e dëshirueshme të ndiqen informacionet nga mediat për kushtet e motit dhe gjendjes së rrugëve nga institucionet dhe shërbimet kompetente”, apelon QMK-ja.
