Drejtori i Qendrës për Menaxhimin e Krizave, Muhamed Ali, dhe zëvendësministri i Bujqësisë, Pylltarisë dhe Ekonomisë së Ujërave, Albrim Hoxha, ndodhen në terren pranë fshatit Oktis, ku ishte aktiv një zjarr i madh.
Nga QMK njoftojnë se zjarri është nën kontroll, por në disa vende ende ka tym që po monitorohet me kujdes nga ekipet në terren.
Në shuarjen e tij, siç njofton drejtori i QMK, Muhamet Ali, po vepron edhe avioni “Air Tractor” i DMSH-së, i cili ndërhyn nga ajri, si dhe:
• 6 zjarrfikës dhe një automjet zjarrfikës nga NJTZ – Strugë,
• 10 persona nga Ndërmarrja Pyjore,
• 2 automjete “Pinzgauer” nga DMSH,
• banorë lokalë.
