Një automjet transportues “Iveco Daily”, pronë e Armatës së Republikës së Maqedonisë së Veriut (ARMV), është vjedhur nga një servis në komunën e Gazi Babës, Shkup gjatë natës së 27/28 prillit 2025.
Rasti është raportuar dje në orën 08:40 në SPB Shkup nga pronari i servisit, S.A., i cili ka njoftuar gjithashtu se janë marrë edhe targat e një veture “Mazda” që ndodhej në servis.
Ministria e Punëve të Brendshme ka bërë të ditur se janë duke ndërmarrë masa për zbardhjen e plotë të rastit.
