Gjiganti holandez, Ajaksi ka përditësuar për gjendjen shëndetësore të shefit ekzekutiv të klubit, dhe ish-portierit, Edvin van der Sar. Ditë më parë u bë e ditur se Van der Sar ka pësuar një gjakderdhje në tru gjatë pushimeve me familjen e tij në Split të Kroacisë.
Ish-portieri i Man, Junajtedit u dërgua menjëherë me helikopter në spital për trajtim të mëtutjeshëm. Tani, Ajaksi e ka bërë të ditur se Van der Sar do të mbetet në kujdes intensiv.
“Gjendja e tij është stabile, por ende shqetësuese. Ajaksi e ndan këtë lajm përmes Annemarie van der Sar, gruas së Edvinit. Familja Van der Sar, së bashku me Ajaksin, është mirënjohëse dhe tejet e prekur nga mesazhet e shumta dhe përkrahja e madhe”, thuhet në komunikatën e klubit.
