Në Universitetin e Tetovës po zhvillohet procesi zgjedhor për zgjedhjen e rektorit të ri të këtij universiteti edhe përkundër tërheqjes së kandidatëve, Dervish Alimit, Myqereme Rusit dhe Bashkim Ziberit nga gara për rektor. Kandidati i vetëm i mbetur në garë, Jusuf Zejneli vlerësoi procesin zgjedhor si demokratik dhe transparent.
“Tani jemi në proces zgjedhor, uroj që të jenë dhe janë zgjedhje sa më të lira demokratike, të fitojnë të gjithë dhe është një vlerë jashtëzakonisht e veçantë dhe një metodologji edhe për universitetin tonë, për arsye se është një formë e votimit të drejtpërdrejt të stafit akademik, të studentëve që kanë të drejtën e votën dhe uroj progres për të gjithë, zhvillim për të gjithë.”, – deklaroi kandidati për rektor të UT-së, Jusuf Zejneli.
