Ushtarët gjermanë do të armatosen për herë të parë me drone shpërthyese, thanë dy burime nga ministria e Mbrojtjes të enjten, ndërsa Berlini po përpiqet të arrijë në nivelin e teknologjisë që ka treguar fuqinë shkatërruese në Ukrainë.Si Rusia ashtu edhe Ukraina kanë përdorur këto dronë për një përdorim të vetëm, të cilët fluturojnë drejt objektivit dhe pastaj bien me shpejtësi duke shpërthyer në momentin e kontaktit.
Përpjekja për të blerë dronë të armatosur ka qenë e kontestuar në Gjermani, me disa politikanë që i lidhin ata me vrasjet jashtë gjyqit nga forcat amerikane në Afganistan.
Kaluan vite debate të nxehta para se parlamenti të miratonte në vitin 2022 mundësinë e përdorimit të një droni të madh si Heron TP, i cili fluturon në lartësi shumë më të mëdha dhe mund të mbajë armë.
Muajin e kaluar, parlamenti miratoi një plan për një rritje të shpenzimeve për mbrojtjen, në vlerë disa qindra miliarda euro. Kontrata me dy kompani për një grup të parë dronësh shpërthyes do të nënshkruhen në ditët në vijim, thanë burimet, pa përmendur emrat e kompanive. Ushtria dhe marina do t’i testojnë ato në muajt që vijnë.
Gjermania do të synojë të nënshkruajë kontrata afatgjata deri në fund të vitit për një numër më të madh dronësh, duke shkurtuar periudhën për futjen e armëve të reja, që zakonisht kërkon vite. Si teknologjia e dronëve po zhvillohet me shpejtësi, marrëveshjet do të përcaktojnë që kompanitë të furnizojnë një numër të kufizuar fillestar për qëllime trajnimi dhe mund të kërkohet më vonë furnizimi me një numër më të madh të modeleve më të fundit, nëse është e nevojshme.
