Manchester Unitedi ka marrë një fitore të madhe në “Anfield”, ku ka fituar për herë të parë në dhjetë vite.
“Djajtë e Kuq” fituan 2-1 ndaj Liverpoolit, përcjell Periskopi.
Unitedi shënoi golin e parë të ndeshjes në minutën e dytë, me anë të Bryan Mbeumos, i cili u asistua nga Amad Diallo.
Në pjesën e parë, Unitedi pati edhe një rast të mirë përmes Mason Mount, por që nuk u konkretizua.
Liverpooli në anën tjetër i goditi dy shtylla me Cody Gakpon, teksa pjesa e parë u mbyll me këto shifra.
Gakpo ishte ai që shënoi golin e barazimit, pasi Liverpooli tërë pjesën e dytë ushtronte presion ndaj Unitedit.
Gakpo shënoi në minutën e 78-të, pas asistimit të zëvendësuesit Federico Chiesas.
Mirëpo, vetëm gjashtë minuta më vonë, Unitedi e riktheu epërsinë.
Ishte Harry Maguire që shënoi me kokë, pasi Bruno Fernandes dërgoi një top të rrezikshëm në zonën e Liverpoolit, shkruan express.
Me këtë fitore, Unitedi ngjitet në pozitën e nëntë me 13 pikë nga tetë ndeshje.
Në anën tjetër, Liverpooli mbetet në pozitën e tretë me 15-të pikë të tubuara.
