Jose Mourinho të mërkurën është dënuar nga UEFA, me katër ndeshje pa prezencë në garat ndërkombëtare.
Një ditë më vonë, tekniku portugez ka dhënë dorëheqje nga Bordit i Futbollit të UEFA-së, shkruan IndeksOnline.
Ky bord përbëhet nga 19 trajnerë ndërkombëtarë i cili është krijuar së fundmi për të diskutuar disa nga çështjet më të rëndësishme në futbollin evropian.
Mourinho dorëheqjen e tij ia ka dërguar kryetarit të bordit, Zvonimir Bobanit, përmes një emaili.
“I dashur Boban, duke ju falënderuar që më keni ftuar të jem anëtar i Bordit të Futbollit, më vjen keq t’ju informoj se do të heq dorë nga pjesëmarrja ime në këtë grup me efekt të menjëhershëm”, ka shpjeguar Mourinho në e-mail.
Kushtet me të cilat besoja shumë kur u bashkova në këtë projekt nuk ekzistojnë më ndaj jam i detyruar ta marr këtë vendim. Ju lus që vendimin tim t’ia komunikoni edhe presidentit Ceferin”, thuhet në emailin e Mourinhos.
Trajneri i Romës është dënuar nga UEFA, ku pas përfundimit të ndeshjes finale të Europa League ndaj Sevillas, ka akuzuar dhe sulmuar gjyqtarin anglez, Taylor.
