Një mbrëmje e errët për futbollin rumun dhe veçanërisht për CFR Cluj. Klubi rumun u turpërua në Suedi, ku pësoi një humbje të thellë 7:2 nga Häcken në ndeshjen e parë të play-offit të Ligës së Konferencës, duke hyrë në historinë negative të garave evropiane.
Pjesë e 11-shes së Clujit ishte edhe dyshja kosovare, Meriton Korenica dhe Lindon Emërllahu.
Pas dështimit, trajneri Dan Petrescu dha dorëheqjen. Ai e bëri të qartë vendimin e tij menjëherë pas ndeshjes dhe e konfirmoi në konferencën për shtyp.
“E nisëm shumë keq dhe pësuam gola të shpejtë. Nuk u përshtatëm me fushën, ndërsa Häcken zhvilloi ndeshjen më të mirë të vitit, duke luajtur fantastikisht në sulm. Ne ishim shumë të dobët në mbrojtje. Kjo ishte ndeshja ime e fundit, nuk do të jem në bankinë për kthimin. Më vjen turp për këtë rezultat,” u shpreh Petrescu.
