Klinika e sëmundjeve psikiatrike si në pikëpamje hapësinore ashtu edhe në atë kadrovike është e gatshme për t’u dalë në ndihmë personave, të prekur nga tragjedia në Kocan, që do të kenë nevojë për ndihmë psikologjike e psikiatrike. Psikiatri dr Kadri Haxhihamza thotë se pasojat psikologjike nga kjo tragjedi te viktimat dhe familjarët e tyre janë të thella dhe do të kërkojnë trajtim për një kohë më të gjatë.
“Tani në këto momente qytetarët do të kenë nevojë për intervenimet tona si psikiatrike ashtu edhe psikologjike. Në radhët e para të listës janë kirurgët dhe kolegët e degëve tjera të cilët merren me lëndimet e drejtpërdrejta të njerëzve që janë të përfshirë nga kjo tragjedi, mirëpo kur të gjitha gjërat do vinë në vend kur do të mbaron ceremonia mortore atëherë njerëzit do ta ndiejnë edhe më shumë dhimbjen shpirtërore.”, tha Psikiatri dr Kadri Haxhihamza.
“E kemi një fenomen e cila quhet dhimbje, domethën periudha e dhimbjes nuk mund të tejkalohet me barna apo diçka tjetër por mundet të lehtësohet. Njerëzit do të kalojnë nëpër atë periudhë fatkeqësisht por nëse kjo përudhë kalon e njerëzit mbeten jofunksional për punë dhe jetë atëherë ne si profesionalistë do të jemi këtu dhe do te zmadhojmë dhe risim shkallën e intervenimeve tona që të mund të vazhdojnë me jetën normale. Dhimbjet shpirtërore ose lëndimet shpirtërore lënë vrage ashtu si edhe lëndimet fizike trupore vraga siç e dimë do të mbyllet por ajo të mbetet do të shifet besoje deri në fund të jetës të atyre që e kanë përjetuar humbjen.”, shtoi Haxhihamza.
Klinika për sëmundjet psikiatri por edhe ministri e shëndetësisë kanë lëshuar linja telefonike për të gjithë ata që kanë e do kenë nevojë për përkrahje psikologjike
