Tetëmbëdhjetë persona të arrestuar, nga të cilët 4 ndodhen në paraburgim, ndërsa ndaj dhjetëra të tjerëve janë ngritur padi penale, është bilanci i ngjarjeve të tensionuara që shoqëruan festimet e 28 Nëntorit. Këto informacione u bënë të ditura nga ministri i Punëve të Brendshme, Pançe Toshkovski, i cili theksoi se reagimi i policisë ka qenë i shpejtë, efikas dhe i barabartë për të gjithë qytetarët, ndërsa hetimet për motivet e ngjarjeve vazhdojnë.
“Po hetojmë gjithçka që ka të bëjë me këto ngjarje, në drejtimin nëse kanë ndodhur dhe si kanë ndodhur, qoftë nga aspekti i motivit apo nga aspekti i veprimeve që janë kryer. Ne iu përgjigjëm me vendosmëri njëlloj të gjithëve. Gjatë ditës së parë, gjatë festës, ne arrestuam tetë persona, tre prej tyre përfunduan në paraburgim për djegien e flamurit maqedonas. Të nesërmen arrestuam edhe tre të tjerë në Prilep për djegien e flamurit shqiptar. Arrestuam një person në Kumanovë për prishje të simbolit shtetëror të Republikës së Serbisë. Ne kemi ndaluar edhe një person në Kërçovë për rrënjosje dhe shtyrje të flamurit maqedonas dhe shqiptar. Kemi arrestuar një person tjetër, i cili është kapur duke djegur flamurin shqiptar në Shkup.”, – deklaroi ministri i Punëve të Brendshme, Pançe Toshkovski.
