Mjekët kanë filluar testimin e vaksinës së parë mRNA të kancerit të mushkërive te pacientët në shtatë vende: MB, SHBA, Gjermani, Hungari, Poloni, Spanjë dhe Turqi.
Vaksina e njohur si “BNT116” është bërë nga “BioNTech”, dhe funksionon në parimin e gjetjes së qelizave kancerogjene dhe më pas vrasjes së tyre dhe parandalimit të kthimit të tyre.
Qëllimi i vaksinës është të forcojë përgjigjen imune të një personi të sëmurë ndaj kancerit, duke lënë të paprekura qelizat e shëndetshme.
Kanceri i mushkërive është shkaku kryesor i vdekjeve nga kanceri në botë, dhe çdo vit rreth 1.8 milionë njerëz vdesin nga ky lloj kanceri.
