Tërmeti shkatërrimtar në Marok, rëndohet bilanci i viktimave. Mbi 1 mijë të vdekur
Numri i të vdekurve nga tërmeti i fuqishëm që goditi Marokun ka shkuar në 1,037.
Lajmi është dhënë nga televizioni shtetëror i Marokut Al Aoula, i cili citon Ministrinë e Brendshme.
Epiqendra e tërmetit të fuqishëm që goditi Marokun ishte në malet e Atlasit të Lartë të vendosur rreth 72 kilometra (44.7 milje) në jugperëndim të Marrakech, një qytet me rreth 840,000 banorë dhe një destinacion popullor turistik.
Ndërkaq, raportohen dhe dëme të shumta materiale dhe ndërtesa të shkatërruara.
