Sonte vonë ka pasur të shtëna me armë zjarri në qendër të Shtipit dhe jozyrtarisht një person po lufton për jetën. Sipas informacioneve fillestare, njëri person kishte me vete një thikë, ndërsa tjetri armë. E gjithë drama ka ndodhur para dëshmitarëve okularë, në një bar kafe që ndodhet në shesh.
Zona tashmë është e rrethuar, ka edhe polic, ndërsa i plagosuri rëndë është transportuar me autoambulancë në spital.
“Sonte rreth orës 21:30 në Departamentin e Policisë Shtip është marrë njoftim se në një lokal në sheshin e qytetit në Shtip është shtënë me armë zjarri në një restorant ku është lënduar një person. Personi me autoambulancë është transportuar në spitalin e Shtipit. Po ndërmerren masa për gjetjen e personit që ka shtënë me armë zjarri dhe për zbardhjen e rastit”, thonë nga MPB për Skopje1.
