Të ngecur në hapësirë për 9 muaj, astronautët e NASA-s Butch Wilmore dhe Suni Williams u kthyen në Tokë të martën.
Në rrjet janë publikuar pamjet nga momenti kur dy astronautët u kthyen në tokë. Ata shihen duke pasur vështirësi për t’u ngritur në këmbë dhe për të ecur normalisht.
Gjendja e vështirë e Wilmore dhe Williams tërhoqi vëmendjen e gjithë botës.
Misioni i tyre mori një kthesë të papritur në fund të janarit, kur Presidenti Donald Trump i kërkoi themeluesit të SpaceX Elon Musk të përshpejtonte kthimin e astronautëve dhe fajësoi për vonesën administratën Biden. Kapsula krejt e re SpaceX e ekuipazhit zëvendësues nuk ishte ende gati për të fluturuar, kështu që SpaceX e zëvendësoi atë me një të përdorur, duke i nxituar gjërat për të paktën disa javë.
