Qeveria kineze nuk i lejon më të huajt të birësojnë fëmijë me kombësi kineze, u njoftua këtë të enjte.
Përjashtimi i vetëm do të jetë nëse fëmijët dhe prindërit birësues kanë lidhje gjaku, tha zëdhënësja e Ministrisë së Punëve të Jashtme, Mao Ning.
Ajo nuk e shpjegoi vendimin ndryshe veçse tha se vendimi është marrë në përputhje me “konventat përkatëse ndërkombëtare”.
Shumë të huaj kanë birësuar fëmijë nga Kina për dekada. Ata vinin në Kinë vetëm për të marrë fëmijët.
Birësimet u pezulluan gjatë Koronavirusit.
Qeveria më vonë rifilloi birësimin e fëmijëve të cilëve u ishte lejuar të udhëtonin përpara pezullimit në vitin 2020, tha më herët Departamenti i Shtetit i SHBA.
Sipas një raporti të Departamentit të Shtetit, konsullata amerikane lëshoi 16 viza për birësim nga Kina midis tetorit 2022 dhe shtatorit 2023.
