iPhone juaj i preferuar mund të bëhet më i kushtueshëm falë tarifave të presidentit Amerikan Donald Trump. Ky i fundit vendosi tarifa për mbarë vendet e botës të cilat mund të ndryshojnë në mënyrë drastike tregtinë globale dhe të rrisin çmimet e produkteve me 30 deri në 40 përqind.
shumica e iPhone prodhohen në Kinë e cila u godit me tarifë 54 përqind. Apple ka dy zgjedhje: ose të absorbojë koston ose tja kalojë atë konsumatorëve.
Që nga zbulimi i planit të tarifave, aksionet e kompanisë ranë me 8 përqind. Apple shet më shumë se 220 milionë iPhone në vit dhe tregjet më të mëdha janë SHBA-ja, Kina dhe Europa.
Modeli më pak i kushtueshëm është iPhone 16 prej 799 dollarësh, por do të kushtojë deri në 1,142 dollarë bazuar në projeksionet e Rosenblatt Securities për shkak të tarifave.
iPhone 16 Pro Max që kushton 1,599 dollarë mund të shkojë deri në 2,300 dollarë, një rritje me 43 përqind.
Trump vendosi tarifa për një gamë të gjerë të importeve kineze në mandatin e tij të parë si president për të ushtruar presion ndaj kompanive amerikane që të kthejnë prodhimin në Shtetet e Bashkuara ose në vendet e afërta si Meksika, por Apple siguroi përjashtime ose heqje dorë për disa produkte. Këtë herë, ai ende nuk ka dhënë asnjë përjashtim.
iPhone 16e, i lançuar në shkurt si një pikë hyrëse më e lirë për grupin e veçorive të inteligjencës artificiale të Apple, kushton 599 dollarë. Një rritje çmimi prej 43% mund ta çojë atë kosto në 856 dollarë. Çmimet e pajisjeve të tjera Apple mund të rriten gjithashtu. /PCWorld Albanian
