Ministri i Shëndetësisë Arben Taravari njoftoi sot se gjendja e pacientëve është stabile dhe jashtë rrezikut për jetë. Sipas tij për kurim në klinikat e vendit janë 72 pacientë ndërsa jashtë vendit 101. Taravari gjithashtu tha se 3 pacientë janë lëshuar në shtëpi dhe se 3 të tjerë pritet të lëshohen gjatë ditës së nesërme, shkruan Alsat.
“Unë do të ju njoftoj se është dita e katër pas ngjarjes tragjike, të gjithë pacientët janë në gjendje stabile dhe të mirë, shumica prej tyre po përmirësohen, nga 20 pacientë në gjendje kritike, tani mund të themi se vetëm 10 prej tyre janë në gjendje të rëndë por jashtë rrezikut për jetë. Jashtë shtetit janë 101 pacientë, ndërsa në klinikat e vendit po kurohen 72 pacientë. 3 pacientë janë lëshuar në shtëpi, për nesër planifikohen edhe tre të tjerë të lëshohen në shtëpi”, deklaroi Arben Taravari, ministër i Shëndetësisë.
