Kryetari i Aleancës për Shqiptarët, Arben Taravari, ka theksuar se qëndrimi i tij ndaj mënyrës së garimit në zgjedhje ka qenë i qartë dhe i pandryshuar: lista të ndara. Ai ka bërë këtë deklaratë para mbledhjes së kryesisë së partisë, ku pritet të shqyrtohen negociatat dhe diskutimet e fundit për koalicionet e mundshme.
“Nuk është se tash kam dalë me këtë ide – para 7-8 muajsh kam thënë se duhet të garojmë veç. Tri partitë tjera kanë insistuar të dalim me lista të përbashkëta,” deklaroi Taravari.
Ai bëri të ditur se deputetët e partisë janë duke zhvilluar negociata dhe se në mbrëmje do të raportojnë para kryesisë për rrjedhën e tyre.
“Do mundohemi me i kalu këto mosmarrëveshje të vogla, s’janë diçka shumë e madhe,” shtoi ai, duke nënkuptuar se nuk ka rrezik për ndarje serioze brenda kampit politik shqiptar.
