Ministri i Shëndetësisë Arben Taravari deklaroi sot se janë duke u zhvilluar procedura për 1200 vende pune në sektorin e shëndetësisë, si dhe për prokurimin e insulinës.
Siç thotë ai, procedura për 1200 punonjës të shëndetësisë është në vazhdim e sipër, ndërsa disa spitale tashmë kanë publikuar shpallje.
“Procedura për blerjen e insulinës është duke u zhvilluar. Nuk është se ka mungesë kudo, thjesht ka mungesë në vende të caktuara. Por në përgjithësi insulina ka në të gjithë territorin. Shpresoj që shumë shpejt të themi se kush është furnizuesi dhe të përfundojë prokurimi. Megjithatë, nuk është se nuk ka furnizim kudo”, tha ministri.
Ndryshe, sot nga Lidhja e Shoqatave të Diabetikëve kërkuan që Ministria e Shëndetësisë dhe Qeveria të sigurojnë në kohë terapinë për personat me diabet./Telegrafi/
