Ministrja e Arsimit dhe Shkencës, Prof.Dr.Vesna Janevska, zhvilloi takim pune me Komisionerin për të Drejtat e Njeriut të Këshillit të Evropës, Majkëll O’Flaherti, në të cilin u diskutuan aktivitetet aktuale dhe të ardhshme të vendit drejt promovimit të të drejtave të njeriut në arsim, me fokus në aksesin në arsim për nxënësit dhe studentët rom, eliminimin e diskriminimit dhe segregacionit.
Janevska theksoi se Ministria është duke punuar në mënyrë aktive për të përfshirë romët në krijimin e politikave arsimore, veçanërisht përmes masave të parashikuara në Planet e Veprimit për Arsimin në kuadër të Strategjisë Kombëtare për Romët 2022–2030. Këto masa tanimë janë institucionalizuar tashmë si politika publike dhe janë pjesë përbërëse e ligjeve që rregullojnë sistemin kombëtar të arsimit.
Në takim u theksua se MASH – i rrit vazhdimisht mjetet buxhetore për të mbështetur komunitetin rom në arsim, përmes programeve të bursave, angazhimin e medijatorëve arsimorë rom dhe masave afirmative për regjistrimin në arsimin e mesëm dhe të lartë. U theksua veçanërisht trendi pozitiv i rritjes së pjesëmarrjes së vajzave rome në arsimin e mesëm dhe të lartë, pasi ato tashmë tejkalojnë 60% të numrit të përgjithshëm të studentëve romë fitues të bursave.
Si konkluzioni u theksua angazhimi i Ministrisë së Arsimit dhe Shkencës për mbështetje të qëndrueshme të komunitetit rom në arsim, përmes politikave transparente, gjithëpërfshirëse dhe të bazuara në ligj që sigurojnë akses të barabartë në arsim cilësor për të gjithë nxënësit.
