Detaje të reja kanë dalë në dritë rreth sulmit me thikë ndaj kryebashkiakes së sapozgjedhur të Herdecke të Gjermanisë, Iris Stalzer.
Stalzer, e gjetur në shtëpi me plagë therëse, e ka përmendur vajzën e saj si të dyshuar për sulmin, sipas policisë.
Tutje, policia ka bërë të ditur se Iris Stalzer, që pritet të marrë detyrën muajin tjetër, u gjet me plagë të shumta therëse të martën. Ajo tani është në gjendje të qëndrueshme, pasi u dërgua me helikopter në spital.
Shërbimet e emergjencës u njoftuan pak pas mesditës nga vajza e saj 17-vjeçare, e cila raportoi se Stalzer ishte plagosur rëndë jashtë shtëpisë së saj në një tentativë grabitjeje.
Si vajza e kryebashkiakes së zgjedhur ashtu edhe djali 15-vjeçar janë dërguar në paraburgim.
Në një përditësim të mërkurën, hetuesi i policisë Jens Rautenberg tha se Stalzer tregoi me gisht vajzën e saj si të dyshuarën gjatë marrjes në pyetje.
Oficerët gjithashtu përcaktuan se sulmi duket se ka ndodhur brenda, gjetën dy thika dhe rroba që besohet se janë përdorur dhe përcaktuan se nuk kishte shenja të një motivi politik, transmeton Klankosova.tv.
Prokurori Bernd Haldorn tha se e konsideron këtë një rast dëmtimi trupor dhe zyrtarët kanë ndërmend t’i lirojnë fëmijët dhe t’i lënë në duart e mirëqenies së të rinjve.
Kjo zyrë mund të vendosë më pas për masa të mëtejshme ndërsa hetimi vazhdon.
