Shkencëtarët që studiojnë se si përhapen kanceret kanë zbuluar se aspirina mund të ndihmojë në parandalimin e metastazave, ose tumoreve dytësore, duke rritur përgjigjen imune të trupit.
Në studimin e tyre te miu, aspirina ndihmoi qelizat imune të shkatërronin qelizat e kancerit që përhapeshin.
Hulumtimet janë duke u zhvilluar te njerëzit për të hetuar nëse aspirina, ose barnat që synojnë të njëjtën rrugë, mund të përdoren për të ndihmuar në ndalimin ose vonimin e rikthimit të kancerit.
Sipas Cancer Research UK, gjysma e të gjithë atyre që janë diagnostikuar me çdo lloj kanceri në Uells dhe Angli do të mbijetojnë për të paktën 10 vjet pas diagnozës, dhe përqindja është shumë më e lartë për disa nga kanceret më të zakonshme, bazuar në të dhënat nga 2010-2011.
