Statistika alarmante. Të rinjtë në vend fillojnë pirjen e duhanit në moshën 13 vjeçe dhe 40% e popullsisë deri në moshën 18 vjeç janë duhanpirës, sipas hulumtimit të fundit të Institutit të Shëndetit Publik (ISHP). Megjithëse shitja e duhanit për personat nën 18 vjeç është e ndaluar me ligj, analizat e Organizatës “Think-Thank” tregojnë se ndalimi shpesh nuk respektohet. Tamara Mijoviq Spasova thotë se ka vend për rritje të akcizës, që do të rriste çmimin e cigareve dhe do t’i bënte ato më pak të arritshme për fëmijët.
“Numrat janë janë alarmues dhe le të themi se ne jemi për popullsinë e rritur, tashmë është në rregull, populli i Maqedonisë pi duhan, por le të ndikojmë tek të rinjtë, le të jemi një shembull pozitiv për ta që të mos fillojnë me këto zakone të këqija, sidomos jo me produktet e reja që na ofrohen në treg si ato elektronike dhe ato që janë në ngrohje se janë një variant i sigurt që nuk do t’u pengojë”, deklaroi Tamara Mijoviq Spasova.
Ministrja e Arsimit Vesna Janevska, thotë se përmes programeve arsimore ndërmarrin hapa për të edukuar të rinjtë që të mos përdorin duhanin.
“Ajo që po bëjmë në arsim, e cila në fakt është mënyra më e mirë për të parandaluar dhe shmangur abuzimin e substancave të dëmshme, është se në arsimin fillor dhe të mesëm temat e arsimimit shëndetësor janë të pranishme në lëndë të ndryshme, dhe këtu është një risi në klasën e shtatë këtë vit është aplikuar lëndë zgjedhore “Po mësoj për shëndetin tim”, tha – Vesna Janevska – Ministre e Arsimit.
Sipas hulumtimit të fundit nga Instituti i Shëndetit Publik, 45.4% e të rriturve janë duhanpirës aktivë, ndërsa persona që nuk kanë konsumuar kurrë duhan janë 39%. Mesatarisht, një duhanpirës aktiv konsumon deri në një paketë në ditë. Nga dje një pako cigare u shtrenjtua për 10 denarë. /Alsat.mk
