Ministri i Punëve të Brendshme, Oliver Spasovski, u bënë thirrje qytetarëve që me rastin e festimit të 4 shkurtit, ditëlindjes së Goce Dellçev që të ruajnë qetësinë dhe siguron se nuk do të lejojnë tensionim të situatës.\“U bëj thirrje të gjithë qytetarëve për qetësi me rastin e festës së 4 shkurtit, ditëlindjes së të madhit tonë Goce Dellçev.
Si Ministër i Punëve të Brendshme nuk do të lejoj poshtërimin e popullit maqedonas!
Institucionet janë duke punuar dhe po mblidhen informacione që do të thotë se kjo pritshmëri e qytetarëve do të realizohet.
Ne duhet të de-përshkallëzojmë situatën që politikanët, grupet dhe individët e papërgjegjshëm duan ta përkeqësojnë. Nuk do të lejojmë asnjë përshkallëzim, incident apo poshtërim të popullit dhe shtetit maqedonas nga askush.
Ja cilat janë institucionet e sistemit që funksionojnë dhe që duhet të ofrojnë të gjitha pritshmëritë që kemi.
Dua t’u dërgoj një mesazh të qartë subjekteve politike dhe politikanëve, që të jenë të përgjegjshëm në këtë proces. Sepse papërgjegjshmëria nuk është e mirë për qytetarët dhe shtetin, paqja dhe stabiliteti janë përgjegjësi e secilit prej nesh”, thuhet në njoftimin e Spasovskit.
