Mirlind Daku është duke kaluar nëpër një formë të shkëlqyeshme në futbollin rus.
Futbollisti kosovar i ka zhvilluar 21 ndeshje në të gjitha garat dhe i ka realizuar 11 gola dhe i ka dhuruar 6 asistime për Rubin Kazanin.
Dhe, kjo ka bërë që të gjithë të mendojnë se përfaqësuesi shqiptar gjatë verës që vjen të lëviz drejt një klubi më të madh, qoftë në Rusi, apo edhe diku tjetër në Evropë.
ADVERTISING
Mirëpo, “Sport-Express” raporton se dy gjigantët rusë, Spartak Moska dhe Zenit St. Petersburg e kishin mundësinë që ta transferonin sulmuesin gjilanas.
Por, sipas mediumit rus të dy klubet vendosën të heqin dorë nga lojtari dhe të mos e transferojnë atë, përcjell “Gazeta Express”.
Klubi nga kryeqyteti rus dhe ai nga St. Petersburgu e refuzuan futbollistin kosovar për arsye politike.
Siç dihet, dy klubet ruse kanë tifozeri të flaktë pro-serbe dhe transferimi eventual i Dakut mund të sillte probleme tek klubet në fjalë duke e ditur se është shqiptar nga Kosova.
27 vjeçari është pjesë e Rubinit që nga vera e vitit 2023, ndërsa ka kontratë me klubin nga Tatarstani, një republikë brenda Rusisë, deri në vitin 2026.
Vlera e Dakut në treg sipas faqes së specializuar për vlerësimin e lojtarëve – Transfermarkt është 7 milionë euro.
