Sot në orën 18:00 do të hidhet shorti që do të përcaktojë përballjet e fazës së ligës së UEFA Champions League mes 36 ekipeve pjesëmarrëse.
Për vitin e dytë radhazi do të përdoret formati “të gjithë kundër të gjithëve”: një grup i vetëm, ku secila prej skuadrave të vazo së parë do të përballet me tetë kundërshtarë të ndryshëm, dy nga secila vazo, duke luajtur një ndeshje në shtëpi dhe një jashtë për çdo vazo. Në fund do të ketë një renditje të vetme, tetë të parat kalojnë direkt në fazën Knock-out, tetë të fundit eliminohen, ndërsa të tjerat do të luajnë në “playoff”.
Risia e ceremonisë së këtij viti në Grimaldi Forum është se nuk do të ketë më short klasik topash një nga një, por pasi të tërhiqet një skuadër nga vazoja e parë, një buton në do të përcaktojë menjëherë kundërshtarët e saj dhe kështu me radhë për secilin ekip.
I njëjti mekanizëm do të përdoret për shortet e Europa League dhe Conference League, që do të hidhen të premten në orën 13:00.
Për të garuar për Champions-in do të jenë, përveç finalistëve të fundit PSG dhe Inter, edhe Real Madridi i drejtuar nga Xabi Alonso, Yamal me Barcelonën, Manchester City i Guardiolës, Chelsea i Marescas dhe Liverpooli, si dhe Bayern Munich që mbetet i fortë si gjithmonë, këto ekipe sipas koeficienteve, konsiderohen më të mirat.
Anglia ka gjashtë skuadra, me Arsenalin në vazon e dytë si “minë me sahat”.
Nga kualifikueset kanë ardhur surprizat si Bodø/Glimt, Pafos dhe Kairat i Almatit, pjesëmarrja e parë ndonjëherë nga Kazakistani. Ndërkohë, Celtic i Glasgout dhe Crvena Zvezda janë zhvendosur në Europa League. Spanja ka pesë ekipe përfaqësuese.
Marseille i De Zerbit dhe Osimhen me Galatasarayn kërkojnë hapësirë në garë. Napoli i Contes rikthehet në Evropë pas një viti mungesë, por për shkak të koeficientit të UEFA-s është në vazon e tretë, çka rrit rrezikun në rrugëtim. Edhe Juventusi mund të përfundojë në një grup të hekurt.
Sipas rregullave të shortit të automatizuar, nuk lejohen “derbi” dhe nuk mund të ketë më shumë se dy skuadra nga e njëjta kombëtare në të njëjtin grup, çka garanton që Interi do të ketë përballë dy skuadra angleze.
Ndeshjet e para luhen më 16 shtator, ndërsa për kalendarin e plotë do të duhet të pritet deri të shtunën. Finalja do të zhvillohet më 30 maj në Budapest.
36 SKUADRAT PJESËMARRËSE TË NDARE SIPAS VAZOVE:
Vazoja 1: PSG, Real Madrid, Manchester City, Bayern Munich, Liverpool, Inter, Chelsea, Borussia Dortmund, Barcelona
Vazoja 2: Arsenal, Bayer Leverkusen, Atlético Madrid, Benfica, Atalanta, Villarreal, Juventus, Eintracht Frankfurt, Brugge
Vazoja 3: Tottenham, PSV, Ajax, Napoli, Sporting Lisbona, Olympiacos, Slavia Prague, Bodø/Glimt, Marseille
Vazoja 4: Copenhagen, Monaco, Galatasaray, Union SG, Qarabağ, Athletic Bilbao, Newcastle, Pafos, Kairat
