Kuvendi mbrëmë vonë e përmbylli debatin rreth propozimit për shkarkimin e ministrit të Shëndetësisë Bekim Sali, në kuadër të pikës së parë të seancës së 104-të për Propozimin për rikonstruimin e Qeverisë, por, siç paralajmëroi nënkryetari i Kuvendit, Goran Misevski, do të votohet në mënyrë shtesë.
Pasi konstatoi se është shterur lista e folësve për shkarkimin e Sali dhe paralajmëroi votim shtesë, Misevski e hapi debatin rreth propozimit për shkarkimin e Admirim Alitit nga funksioni ministër për Shoqëri Informatike dhe Administratë. Aliti nuk e shfrytëzoi mundësinë që të prononcohet rreth propozimit për shkarkimin e tij.
Përveç Sali dhe Alitit, duhet të shkarkohet edhe Xhemail Çupi nga resori për diasporë, tre kuadrot e Alternativës e cila doli nga koalicioni qeveritar.
