Struga Trim Lum sot do të përballet me Pjunikun në ndeshjen e parë të xhiros së dytë eliminatore në Ligën e Konferencës.
Kampionët e vendit u eliminuan nga Liga e Kampionëve dhe garat europiane tashmë i vazhdojnë në kompeticionin e Ligës së Konferencës, aty ku do ti matin forcat me armenët e Pjunikut. Ekipi i Qatip Osmanit pretendon të merr rezultat pozitiv ndaj Pjunikut, që në ndeshjen e kthimit në Armeni ta ketë më të lehtë për të siguruar kualifikimin në raundin e radhës të Ligës së Konferencës.
Ndeshja ndërmjet Strugës dhe Pjunikut do të zhvillohet në stadiumin e qytetit të Ohrit, duke nisur nga ora 17:30.
