Sot shënohet fundi zyrtar i një epoke, pasi platforma legjendare e komunikimit Skype del përfundimisht nga përdorimi.
Microsoft u ka ofruar përdoruesve ekzistues mundësinë të kalojnë falas në Microsoft Teams, duke përdorur të njëjtat kredenciale. Kontakti, historiku i bisedave dhe të dhënat e tjera do të transferohen automatikisht në platformën e re. Gjithashtu, përdoruesit do të kenë mundësi të eksportojnë të dhënat e tyre deri në janar 2026, përpara se ato të fshihen përgjithmonë.
Microsoft ka deklaruar se ky vendim është pjesë e përpjekjeve për të përmirësuar shërbimet e komunikimit dhe për t’u përshtatur më mirë me nevojat e përdoruesve.
E lançuar në vitin 2003 dhe e blerë nga Microsoft në vitin 2011, Skype ka qenë një nga platformat më të rëndësishme të komunikimit në internet, duke revolucionarizuar mënyrën se si njerëzit lidhen me njëri-tjetrin për më shumë se dy dekada.
