Konfederata e Sindikatave do të kërkojë pagë minimale më të lartë se sa parashikohet me ligj. Sipas Marjan Risteski, 1800 denarë, nuk mjaftojnë dhe kërkojnë që Qeveria dhe Këshillit Ekonomik Social të qëndrojë në krah të tyre sa i përket rritjes së pagës minimale.
“Po, do të kërkojmë më shumë se 1800 denarë që është caktuar me ligj dhe vërtetë është minimale ajo shumë dhe e shihni se çfarë ndodhë me fqinjët. Nëse me pyesin mua unë do të kërkoja që të jetë 500 euro paga minimale, perse të mos jetë”, tha Marjan Risteski – Nga Konfederata e Sindikatave.
Sipas Risteskit, në takimin që do të kenë me qeverinë do të diskutohet edhe e dita e diele si ditë jo punë, ndërsa nga Konfederata e Sindikatave lënë hapësirë që të punohet kjo ditë në aktivitete që janë të domosdoshme për shtetin.
“Edhe atëherë kishte ligj që të mos punohet të dielën por atëherë nuk paguhej kjo ditë, tani së paku ata që punojnë të dielën edhe paguhen. Duhet të diskutohet mirë kjo temë pasi kam biseduar me disa sipërmarrës dhe ka disa kompani apo zanate që nuk durojnë të ndalet procesi teknologjik i punës, t’i shohim argumentet dhe faktet ndërsa qëndrimi ynë është dihet, nëse në të gjithë boten së paku në ato vende punë që janë të domosdoshme për shtetin duhet të punojnë”, shtoi ai.
Sa i përket rritjes së pagës minimale, Risteski shtoi se Këshillit Ekonomik Social është vendi ku duhet t’i shpalosim të gjitha kërkesat dhe ku duhet të gjejnë marrëveshje të përbashkët, nëse jo, siç tha Risteski, atëherë si konfederatë do të vendosin çfarë do të ndërmarrin në të ardhmen./Alsat.mk
