Shvercerat: FC Shkupi nuk është lodër për interesa personale apo plane të pista!

Pas disfatës së sotme 4:3 të FC Shkupit në udhëtim ndaj AP Brera, kanë reaguar edhe tifozët e kësaj skuadre, “Shvercerat”.
FC Shkupi nga avantazhi 3:1, në fund pësoi disfatë 4:3. Pikërisht 3 golat e paranuar në 15 minutat e fundit të takimit, kanë indinjuar grupin e tifozëve “Shvercerat”, që përmes faqes së tyre zyrtare në faceboook, kanë bërë këtë reagim: ⤵️⤵️⤵️
FC Shkupi nuk është lodër për interesa personale apo plane të pista!
Ky klub nuk është as për t’u shitur, as për t’u përdorur si trampolinë për pazare të ulëta!
FC Shkupi është gjaku ynë, zemra e qytetit tonë dhe kush guxon me prek klubin tonë, do ta ketë përballë gjithë një qytet!
Larg duart e ndyra nga klubi jonë!
Ne nuk harrojmë, nuk falim dhe nuk heshtim kur rrezikohet ajo që e duam me shpirt.
Shkupi është i tifozëve dhe asnjë maskë nuk do ta ndryshojë këtë realitet!