Inspektorati Shtetëror i Punës në RMV gjatë ditëve të fundit ka kryer 164 inspektime për respektimin e masave dhe rekomandimeve për mbrojtjen e qytetarëve nga temperaturat e larta, ndërsa 30 kompanive iu është ndaluar kryerja e veprimtarisë.
Këtë e bëri të ditur sot ministrja e Punës dhe Politikës Sociale, Jovanka Trençevska.
“30 masa për punëdhënësit që nuk i respektuan masat e Qeverisë”, theksoi Trençevska duke u përgjigjur në pyetjen e gazetarëve.
Qeveria dha alarmin për rrezikun e temperaturave të larta dhe rekomandoi që gratë shtatzëna dhe personat mbi 60 vjeç të lirohen nga puna.
Çerdhet duhet të organizojnë orarin e tyre të punës nga ora 7:00 deri në 17:00 dhe fëmijët nuk duhet të nxirren jashtë pas orës 11:00.
