Shqipëria mbylli sot presidencën e saj të dytë në drejtimin e Këshillit të Sigurimit të Kombeve të Bashkuara.
Ministri për Evropën dhe Punët e Jashme, Igli Hasani u shpreh se ndihemi krenar që kemi drejtuar me sukses Këshillin e Sigurimit, në një kohë kaq kritike, ku u folën për tema delikate, si ajo e Ukrainës.
Në fokus, thotë Hasani, ishte nevoja për të mbështetur ligjin ndërkombëtar dhe Kartën e OKB-së, si dhe përshpejtimi i ndihmës humanitare në mbarë botën.
“Shqipëria përmbyll sot Presidencën e dytë dhe të fundit të Këshillit të Sigurimit të Kombeve të Bashkuara, në fokus të së cilës ishte nevoja urgjente për të mbështetur ligjin ndërkombëtar dhe Kartën e OKB-së, si dhe përshpejtimi i ndihmës humanitare në mbarë botën. Ndihemi krenarë që kemi drejtuar me sukses Këshillin e Sigurimit në një periudhë kaq kritike”, ka shkruar ai në një postim në X, dikur Twitter.
Today Albania concludes its 2nd & last presidency of the #UNSC 🇺🇳. With special focus on the urgency to uphold intl. law & the UN Charter, and to speed up humanitarian aid worldwide, 🇦🇱 is proud to have successfully carried the weight of steering the UNSC in such critical times. pic.twitter.com/MASVeqcXYh
— Igli Hasani (@IgliHasani) September 30, 2023
Shqipëria organizoi një Debat të Hapur të Nivelit të Lartë të Këshillit të Sigurimit të OKB-së me titull “Nxitja e Partneritetit Publik-Privat”.
Mbledhjen e hapi kryeministri i Shqipërisë Edi Rama, i cili në prezencën edhe të presidentit të Ukrainës Volodymyr Zelensky, i dha mbështetje të plotë Ukarinës, dhe tha se duhet të qëndrojmë krah saj, duke u përplasur me Rusinë.
