Sezoni turistik veror po afron dhe Shqipëria po përpiqet të joshë sa më shumë të huaj. Nga 15 prilli e deri në fund të vitit, turitët që vijë nga Arabia Saudite, Katari, Omani, Tajlanda dhe Indonezia do mund të hyjnë në vend pa vizë.
“Janë pushues nga shtete me rritje të lehtë të prenotimeve. Edhe për këtë sezon ka nisur prenotimi. Do të thosha se është një politikë e mirë”, tha Jetmira Hoxha, operatore turistike.
“Ky vendim synon të lehtësojë procesin e hyrjes për turistët dhe të rrisë vizitat nga këto shtete, duke ofruar mundësi më të mira për zhvillimin e turizmit dhe lidhjeve ndërkombëtare”, u shpreh Ferjold Ozuni, operator turistik, shkruan A2 CNN.
Këshilli i Ministrave miratoi të mërkurën një ndryshim në vendimin “Për përcaktimin e kritereve, të procedurave e të dokumentacionit për hyrjen, qëndrimin dhe trajtimin e të huajve në Republikën e Shqipërisë”, i ndryshuar.
“Sipas vendimit, “lista e shteteve, shtetasit e të cilëve hyjnë pa vizë për motive turistike në Republikën e Shqipërisë dhe me dokumentin pasaportë për një periudhë të kufizuar/për periudhën nga data 20 prill deri më 31 dhjetor”, tha Jetmira Hoxha, operatore turistike.
Po ndikimi nga ky vendim gjithsesi pritet të jetë modest. “Me këto shtete mungojnë linjat direkte ndaj nuk presim ndonjë bum të madh në vijim. Nuk janë vende shumë të njohura për turistë”, tha Ferjold Ozuni, operator turistik.
Pas namit të mirë të dalë gjatë 2023-shit, shoqëruar nga kurioziteti që vijoi edhe gjatë vitin e shkuar… në Shqipëri po vijnë më shumë turistë edhe këtë fillim-vit. Të dhënat nga Instituti i Statistikave tregojnë se në harkun e janar-shkurt vendin e vizituan mbi 2.2 milionë të huaj, 206 mijë më tepër se krahasuar me të njëjtën periudhë kohore të një viti më parë. Pjesa më e madhe e atyre që vizituan vendin në dy muajt e parë të vitit ishin pushues evropianë, ndjekur nga ata Shtetet e Bashkuara të Amerikës, Amerika, Azia dhe Afrika.
